பாரத் சினிமா மதிப்பீடு : 6 / 10
வாசகரின் சராசரி மதிப்பீடு : 6.5 / 10
நடிகர்கள்: வெற்றி,மோனிகா சின்னகோட்லா,கருணாகரன்,ரோஹினி,மைம் கோபி

கரு: ஏழ்மையின் விளிம்பில் இருக்கும் இருவர் திருட முற்பட வாழ்வு அவர்களுக்கு கற்றுத்தரும் பாடம்.

கதை: வெற்றி, கருணாகரன் இருவரும் ஒரே கடையில் வேலை பார்க்கும் ரூம்மேட். வாழ்வின் மேலான ஏழ்மையின் விரக்தியில் தாங்கள் தங்கியுள்ள வீட்டின் ஓனரிடம் நகை திருட முயற்சிக்கிறார்கள். அந்த திருட்டு அவர்கள் வாழ்க்கையை எப்படி சிதைக்கிறது. எதைக் கற்றுத் தருகிறது என்பதினூடாக வாழ்வும் உலகமும் இயங்கும் விதத்தை கேள்விகள் கேட்கிறது இப்படம்.

விமர்சனம்: வாழ்க்கையில் நமக்கு எது முக்கியம், பணமா? சந்தோஷமா ?. ஏழையையும் பணக்காரணையும் உலகம் எப்படி பார்க்கிறது. ஒருவன் திருட்டை எந்தப் புள்ளியில் ஆரம்பிக்கிறான் அவனுக்கான தேவை அவனை இயக்கிறது. நல்லவை தீயவை இவை இரண்டும் உலகில் இயங்கும் விதம் அதன் அர்த்தம் இவையெல்லாவற்றையும் ஒரு திரில்லர் கதைக்குள்ளாக விவரனை செய்யும் அழகான திரைக்கதை. தமிழில் இப்படியான திரைக்கதை வருவது அரிதானது. ஒரு திரில்லர என்றால் கொலை, திருட்டு அதை ஹிரோ எப்படி செய்கிறான் அதில் மாட்டிக்கொள்ளாமல் எப்படி தப்பிக்கிறான் என்பதே இதுவரையிலான தமிழ் சினிமா.

ஆனால் இந்தப்படம் அதை அடுத்த கட்டத்திற்கு நகர்த்தி சென்றுள்ளது எனப் பெருமையாகச் சொல்லலாம். ஒரு எளிமையான திருட்டில் ஆரம்பிக்கும் கதை கதை மாந்தர்களோடு நம்மையும் அழைத்துக்கொண்டு ஓடுகிறது. தவறுக்கும் சரிக்கும் நடுவில் நாமும் சிக்கிக் கொள்கிறோம். அடுத்து என்ன நடக்கும் என்கிற சஸ்பென்ஸ் தான் ஒரு திரில்லர் படத்தில் முக்கியம் அதை இப்படத்தில் அட்டகாசமாக கொண்டு வந்துள்ளார்கள் திருட்டுக்கு பிறகு நடக்கும் சம்பவங்கள் அனைத்தும் அதிர்ச்சி அளிக்கும் திருப்பங்கள். வாழ்க்கை சுழலும் பாதையும் அதில் சிக்கிக்கொள்ளும் மனிதர்கள் என பயணிக்கும் முடிவு எதிர்பாராதது. ஆனால் ஆச்சர்யம் அளிக்கும் திருப்பம்.

படம் மிகத் தெளிவாக பல விவரனைகளோடு மிக அற்புத அனுபவம் தரும் வகையில் எழுதப்பட்டிருக்கிறது. வசனங்கள் ஒவ்வொன்றும் நெத்தியடி. ஜெயித்தவனை இந்த உலகம் ஜாதி மத ரீதியில் பார்க்கும், பணம் தான் உலகின் ஒரே பிரச்சனை, நாம கஷ்டப்படும் போது கடவுள் பார்த்துட்டு சும்மாதானே இருந்தான். போலிஸ அவன் வேலை அவன சரியா செய்ய விடனும் என படத்தில் வசனங்கள் ஒவ்வொன்றும் படத்தை ஒரு புதிய அனுபவமாக மாற்றுகிறது. படத்தின் கதை வசனம் எழுதியிருக்கும் பாபு தமிழ் மிகப்பெரிய எதிர்காலம் இருக்கிறது.

படத்தின் இயக்குநர் கோபிநாத்துக்கு இது முதல் படம் படக்குழுவை அழகாக ஒருங்கிணைத்திருக்கிறார். படத்தின் கோணங்களில் ஆரம்பித்து நடிகரகளின் நடிப்பு வரை அனைத்தும் படத்தில் கச்சிதம். ஒரு புது இதக்குநரின் படைப்பாக இல்லாமல் மிக அனுபவம் இயக்குநரின் தெளிவு படத்தில் இருக்கிறது.

ஒளிப்பதிவு பிரவீன் குமார் மிக எளிமையான கோணங்கள் நாயகனின் பார்வையில் அவன் சிந்திக்கும் காட்சிகள் படமாக்கியிருக்கும் விதம் அழகு. ஒரு வீட்டின் ரூமுக்குள்ளே அதிக காட்சிகள் ஆனால் அது ரசிகனுக்கு தெரியாமலே நகர்வது அற்புதம். எடிட்டிங் பிரவீன் K L பின்னனி ,ப்ளாக்பேக் காட்சிகள் , ஹீரோவின் சிந்தனைகள் ஆகிய காட்சிகளை கட் செய்திருக்கும் விதம் அழகு.

வெற்றி, கருணாகரன் இருவரும் தான் படத்தின் முழு நீளத்தையும் சுமந்திருக்கிறார்கள். வெற்றியின் நடிப்பில் எட்டு தோட்டக்களின் தயக்கம் இல்லை இதில் நிறைய முன்னேற்றம் தெரிகிறது. படம் முழுதையும் தோளில் சுமக்கும் பணி அதை உணர்ந்தே செய்துள்ளார். கருணாகரனிடம் அவர் விவரிக்கும் காட்சிகள் அருமை.கண்டிப்பாக தமிழ் சினிமாவில் ஒரு முக்கிய இடம் கிடைக்கும் என்பது உறுதி. கருணாகரன் படத்தின் மிகப்பெரிய ரிலீஃப். சராசரி ரசிகனின் கேள்விகள் அவர் வழியே கேடகப்பட்டு விடையும் வருவது அழகு. சமயங்களில் அவர் அடிக்கும் கவுண்டர் சிரிப்பு வெடி.

மைம் கோபியும் , ரோகிணியும் கவர்கிறார்கள். மற்றவரக்ளுக்கு அத்தனை வாய்ப்பில்லை
என்றாலும் ஒரு காட்சியில் நடித்திருக்கும் நடிகர்களையும் சரியான நடிப்பை தந்திருக்கிறார்கள்.

பலம்: படத்தின் எழுத்து, வசனம் , பரபர திரைக்கதை. எதிர்பார்க்காத க்ளைமாக்ஸ்.

பலவீனம்: சராசரி ரசிகனுக்கு புரியாத அறிவியல் விளக்கங்களில் நகரும் பின்பாதி கதை.

LEAVE A REPLY

Please enter your comment!
Please enter your name here